കേരള വെളുത്തേടത്ത് നായർ സമാജം

കേരള വെളുത്തേടത്തു നായർ സമാജം (KVNS) എന്ന്ന സമുദായ സംഘടന ഹിന്ദു വിഭാഗത്തിലെ വെളുത്തേടത്തു നായർ/ വെളുത്തേടൻ എന്നീ പേരിൽ അറിയപ്പെടുന്ന വിഭാഗത്തിന്റെ ഉന്നമനത്തിനു വേണ്ടി പ്രവർത്തിക്കുന്ന ഒരു സംഘടനയാണ്. കേരളത്തിന്റെ വിവിധ ദേശങ്ങളിൽ വസിക്കുന്ന മേല്പറഞ്ഞ സമുദായ വിഭാഗങ്ങൾക്കിടയിൽ ഐക്യവും , നിശ്ചയദാർഢ്യവും വളർത്തി സമുദായത്തിന്റെ പൊതു പിന്നോക്കാവസ്ഥയ്‌ക്കെതിരെ പോരാടുവാനുള്ള ഒരു വേദി ഒരുക്കുക എന്നതും സംഘടനയുടെ ലക്ഷ്യമാണ് . ചരിത്ര ഗ്രന്ഥങ്ങളായ “കേരളോത്പത്തിയും ” , “കേരളമാഹാത്മ്യവും ” നായർ സമുദായത്തിലെ അവസാന വിഭാഗങ്ങളെ കുറിച്ച് പ്രതിപാദിക്കുന്നു . ഏതാണ്ട് 200 ൽ പരം ഉപജാതികൾ 17 ആം നൂറ്റാണ്ടിന്റെ അവസാനത്തോടെ കേരളത്തിൽ നിലനിന്നു പോയതായി ചരിത്ര രേഖകളിൽ കാണാം . വെളുത്തേടത്തു നായർ എന്നത് ക്ഷേത്രസമൂഹവുമായി അടുത്ത് ഇടപഴകി വന്ന വിഭാഗമാണ് .